داليا البحيري تحكي قصتها المرعبة وماحدث لها تشـيب له الرأس!
الحاجة فلانة اللي قريتلك الفنجان قلتلها انتي ازاي تجيبي نمرتي وترني عليا ورحت قافلة السكة في وشها تاني يوم الصبح نازلة أركب عربيتي عشان أروح شغلي كنت همضي عقد شغل جديد لاقيت الحاجة قدام عربيتي قولت وبعدين بقى في الست دي أكيد عايزة مني حاجة.
قالتلي بصي بقى أنا جايالك برسالة من فلان الفلاني اللي هو صديق عمرك ولازم تسمعيني بأمارة انك رايحة دلوقتي تمضي عقد وهو بيقولك بلاش تعملي الموضوع ده لأن الموضوع ده فيه مشاكل وسابتني وأنا دماغي فضلت تودي وتجيب بس مخدتش كلامها على محمل الجد أبدا رحت ومضيت العقد ومفيش أسبوعين يا حسين وحصلت مشكلة كبيرة فعلا.
بيني وبينك المرة دي كلامها ابتدى يشغلني منين عرفت مكان الصور وازاي عرفت وضعية الصور فاضطريت أسمعها قولتلها انتي عايزة مني ايه قالتلي كل اللي أقدر أقولهولك إن الولد ده مم اتش الولد ده في العراق في مدينة البصرة تحديدا لكنه في غيبوبة واللي يعرف تفاصيل الموضوع ده الشيخ فلان فى البصرة
روحت فعلا لأهله وحكيت كل حاجة حصلت من الأول وقولتلهم إن أنا نفسي مش مصدقة بس الكلام يستاهل اننا نمشي وراه وفعلا قلبنا الدنيا كلها علي الشيخ ده لحد ما لقينا فعلا فيه شيخ بالأسم ده في العراق.
والشيخ ده هو اللي كان متوليه المهم جابوا الولد علي مصر وفضل حوالي 6 شهور لسه فى الغيبوبة وكانت المعجزة إنه فاق كانت فرحتنا ماتتوصفش.
قالي إن أنا الوحيدة اللي كان بيشوفني معاه وإن أنا الوحيدة اللي كان بيشوفني في ال 3 مرات اللي فاق فيهم كان بيشوفني واقفة جنب السرير وكلمني ال 3 مرات دول ومنهم مره كلمني علي الصورة اللي رافعة فيها شعري وفعلا لما نزلت الصورة دي علي مجلة كسرت الدنيا وروحنا بعد كده نشوف الست دي عشان نشكرها مالقيناش ليها أي أثر.
